Аймгийн Засаг даргын Тамгын газрын даргаар Ш.Ганболдыг томиллоо

2022-11-28 12:11142

Аймгийн Засаг даргын захирамжаар, аймгийн Засаг даргын Тамгын газрын даргаар Ш.Ганболдыг томиллоо. 
Ш.Ганболд нь энэ оны 9-р сараас аймгийн Засаг даргын Тамгын газрын даргын үүргийг түр орлон гүйцэтгэж байсан бөгөөд Монгол Улсын Төрийн албаны зөвлөлөөс зохион байгуулсан тусгай шалгалтын үр дүнг үндэслэн Орхон аймгийн Засаг даргын Тамгын газрын даргаар томилж байна. 
        Шагдарын Ганболдын товч намтар, ажилласан байдал: 
Шагдарын Ганболд нь Хөвсгөл аймгийн Шинэ-Идэр суманд 1968 онд төрсөн.
1991 онд Хөдөө Аж Ахуйн Их Сургууль, 2005 онд Удирдлагын академийг төгссөн. Төрийн удирдлагын арга зүйч, зохион байгуулагч мэргэжилтэй. 
1992-1996 онд Хөвсгөл аймгийн Шинэ-Идэр сумын Засаг дарга 
1996-1999 онд Хөвсгөл аймгийн Шинэ-Идэр сумын Засаг даргын Тамгын газарт Нийгмийн даатгалын асуудал хариуцсан мэргэжилтэн 
1999-2002 онд Орхон аймгийн Баян-Өндөр сумын Засаг даргын Тамгын газарт Хяналт шалгалт, тогтоол шийдвэрийн биелэлт хариуцсан мэргэжилтэн 
2002-2006 онд Орхон аймгийн Баян-Өндөр сумын Засаг даргын Тамгын газарт Иргэдтэй харилцах болон багуудын асуудал, дотоод ажил хариуцсан  мэргэжилтэн 
2006-2007 онд Орхон аймгийн Засаг даргын Тамгын газрын Үйлдвэрлэл, дэд бүтэц, байгаль орчны бодлого зохицуулалтын хэлтэст Хүнс, хөдөө аж ахуйн асуудал хариуцсан мэргэжилтэн, 
2007 оноос Орхон аймгийн Засаг даргын Тамгын газрын Төрийн захиргааны удирдлагын хэлтсийн дарга
2022 оны 9 дүгээр сарын 2-ны өдрөөс Орхон аймгийн Засаг даргын Тамгын газрын даргын үүргийг түр орлон гүйцэтгэгч
Төрийн захиргааны тэргүүн зэрэгтэй ахлах түшмэл.  

Мөн М.Жанболатыг Засаг даргын Тамгын газрын ТЗУХ-ийн даргаар томилж, ХШҮ-ний хэлтсийн даргын үүргийг хавсран гүйцэтгүүлэхээр болжээ. 

                                                                                                                                                               Мэдээллийн төв 


Сэтгэгдэл

Анхааруулга:


Монгол Улсад коронавирус COVID-19 бүртгэгдсэнтэй холбогдуулан Монгол Улсын Засгийн газрын 2020 оны 03 дугаар сарын 10-ны өдрийн хуралдаанаас өгсөн чиглэлийг үндэслэн тус сайтын сэтгэгдэл бичих талбарыг түр хааж байгааг үүгээр мэдэгдэж байна. etimes.mn сайтын редакц