Орхон аймаг: Бурхан болоочдыг оршоох үйлчилгээ үзүүлэх цэцэрлэгт хүрээлэн байгуулна

2022-04-18 11:04300
Орхон, Булган аймгийн удирдлагууд дундын бүсэд бурхан болоочдыг оршоох цэцэрлэгт хүрээлэн байгуулах төсөл хэрэгжүүлэхэд санал нэгдлээ
Бурхан болоочдыг оршоох цэцэрлэгт хүрээлэн байгуулах төсөл өнгөрсөн хугацаанд багагүй яригдсан ч газар зүйн байршилтай холбоотойгоор эцэслэн шийдэгдээгүй байсаар өнөөг хүрсэн. Өнөөдөр Орхон, Булган аймагт БОАЖ-ын сайд Б.Бат-Эрдэнэ ажиллах үеэр аймгуудын удирдлагуудтай уг асуудлаар санал солилцож, шийдэлд хүрлээ.
3 хүн болон зогсож буй хүмүүс гэх мэтийн зураг байж болно
 
Тодруулбал, Булган аймгийн Орхон сумын Их залууд бурхан болоочдыг оршоох үйлчилгээ үзүүлэх цэцэрлэгт хүрээлэн байгуулах 50 га газрыг Булган аймгийн удирдлагууд шийдэж өгөхөөр болов.
 
2 хүн, сууж буй хүмүүс, зогсож буй хүмүүс, нарны шил болон гадаа гэх мэтийн зураг байж болно
 
БОАЖ-ын сайд Б.Бат-Эрдэнэ “Орчны бохирдлыг бууруулах үндэсний хороо хог хаягдал, агаар, хөрсний бохирдол зэрэг хэд хэдэн асуудлыг хөндөж тавьдаг. Хөрсний бохирдолд оршуулах зан үйл ихээхэн сөрөг нөлөө үзүүлж байгаа талаар дурьдсан. Тухайлбал, хавдраар нас барсан хүмүүсийн хавдрын эмчилгээ хийлгэж байхдаа хэрэглэж байсан шил зэргийг аюултай хог хаягдлын ангилалд оруулж устгалд оруулдаг бол зарим тохиолдолд бурхан болоочоо ил задгай оршоодог нь байгаль орчинд асар их сөрөг нөлөөтэй гэж тэрээр хэлж байв.
2 хүн, зогсож буй хүмүүс болон гадаа гэх мэтийн зураг байж болно
Төсөл хэрэгжүүлэгч “Далай Эх буян” ХХК-ийн захирал М.Мөнхзаяа “Манай компанийн зүгээс газар болон дэд бүтцийн асуудлыг шийдэж өгөхийг хүсч байгаа.Эдгээр асуудал шийдэгдчихбэл урт хугацаандаа бид өөрсдийгөө санхүүжүүлээд явах боломжтой. Оршуулгын асуудал хүний ирж буцаж байдаг зайлшгүй нэг хэсэг нь. Тиймээс энэ салбарт үйл ажиллагаа явуулдаг аж ахуйн нэгжийн хувьд иргэдэд хүссэн үйлчилгээг үзүүлэх нь бидний зорилт. Цаашлаад замбараагүй оршоох асуудал цэгцлэгдэж, байгаль орчинд үзүүлэх сөрөг нөлөө нь багасна. Бидний хувьд дээрх асуудлууд шийдэгдчихбэл бүтээн байгуулалт болон шаардлагатай тоног төхөөрөмжөө хариуцаад явна. Өнөөдөр яригдсаны дагуу асуудал цааш явбал төсөл 2025 он гэхэд хэрэгжиж дуусна” гэлээ.
2 хүн, сууж буй хүмүүс, зогсож буй хүмүүс болон гадаа гэх мэтийн зураг байж болно
Засаг даргын орлогч А.Түвшинжаргал “Орхон, Булган аймгийн Засаг дарга нарын шийдэлд хүрч чаддаггүй байсан асуудал мөнөөс мөн. Энэ цаг үед шийдэлд хүрч байгаад талархаж байна. Зам, тог цахилгаан гэх мэт дэд бүтцийн асуудалд Орхон аймаг дэмжлэг үзүүлж хамтарч болно” гэлээ.
Булган аймгийн Засаг дарга Б.Ариун-Эрдэнэ “Сүүлийн хэдэн жил ярьж шийдэлд хүрээгүй байсан тулгамдсан асуудлын нэг өнөөдөр шийдэлд хүрлээ гэж харж байна. Булган болон Орхон аймгийн удирдлагууд энэ төслийг дэмжих нь зүйтэй гэсэн саналд хоёр талаасаа санал нэгдсэнд талархалтай байна” гэв.
Орхон сумын нутаг Их залуу гэх газар нь Орхон аймгаас 20 орчим км, Булган аймгаас 30 гаруй км зайтай байх бөгөөд газар зүйн байршлын хувьд дундын бүс учир бурхан болоочдыг оршоох цэцэрлэгт хүрээлэн байгуулахад тохиромжтой гэж үзэж байна. Нөгөө талаар Орхон,Булган аймгуудад бурхан болоочдыг нутаглуулах газар хүрээгээ тэлж, замбараагүй болсон нөхцөл байдал үүссэн учир төслийг хэрэгжүүлэх хэрэгцээ шаардлага зүй ёсоор үүсээд байгааг албаныхан онцолсон.

Сэтгэгдэл

Анхааруулга:


Монгол Улсад коронавирус COVID-19 бүртгэгдсэнтэй холбогдуулан Монгол Улсын Засгийн газрын 2020 оны 03 дугаар сарын 10-ны өдрийн хуралдаанаас өгсөн чиглэлийг үндэслэн тус сайтын сэтгэгдэл бичих талбарыг түр хааж байгааг үүгээр мэдэгдэж байна. etimes.mn сайтын редакц