Эрдэнэт үйлдвэр: ДЦС 51 мянган тонн нүүрсний нөөцтэй, хэвийн ажиллаж байна

2020-12-08 22:1269

Эрдэнэт үйлдвэрийн ДЦС, коронавирусний цар тахлын өндөржүүлсэн бэлэн байдлын заавар дүрмийг баримтлан, үйлдвэрлэлийн үйл ажиллагаагаа хэвийн үргэлжлүүлж байна. Өнөөдрийн байдлаар, станц дөрвөн зуух, таван машины горимоор цахилгаан эрчим хүч үйлдвэрлэж, зуухны ачаалал 250-260 тонн цаг буюу бүрэн хүчин чадлаараа ажиллаж байна. 

     Өвөлжилтийн бэлтгэл ажлын хүрээнд дөрвөн чиглэлээр нийт 27 ажил төлөвслөснөөс гүйцэтгэл 96 хувьд хүрчээ. Эдгээрээс хамгийн чухал нь их засварын ажил бөгөөд тавдугаар зуухны засвараас бусад ажил 100 хувь хийгдсэн байна. Одоогийн байдлаар тавдугаар зуухны их засвар 70 хувийн гүйцэтгэлтэй үргэлжилж байгаа аж. Энэ ажлыг ондоо багтааж дуусгахаар шахуу төлөвлөгөөтэй ажиллаж байна гэж тус станцын Ерөнхий инженер Д.Дарханбаяр ярилаа. Ингэснээр Эрдэнэт үйлдвэр болон бусад байгууллагуудын цахилгаан эрчим хүчний хэрэглээг хангах, хүйтний улиралд хэвийн ажиллах бэлэн байдлыг бүрдүүлнэ. Өнөөдрийн байдлаар, станц 51 мянган тонн нүүрсний нөөцтэй байна. Энэ нь 45-50 хоногийн нөөцтэй байна гэсэн үг юм. 


Сэтгэгдэл

Анхааруулга:


Монгол Улсад коронавирус COVID-19 бүртгэгдсэнтэй холбогдуулан Монгол Улсын Засгийн газрын 2020 оны 03 дугаар сарын 10-ны өдрийн хуралдаанаас өгсөн чиглэлийг үндэслэн тус сайтын сэтгэгдэл бичих талбарыг түр хааж байгааг үүгээр мэдэгдэж байна. etimes.mn сайтын редакц