Сурагчид нэгдүгээр улирлын хичээлээ онлайнаар үзээд амарна

2020-11-23 17:11180

Засгийн газар хуралдаж, зарим шийдвэрийг гаргажээ. БШУ-ы сайд Л.Цэдэвсүрэн Засгийн газрын хуралдаанд танилцуулга хийж, хариулт авчээ. Тэрбээр, “Нөхцөл байдал яаж ч эргэсэн сурагчид нэгдүгээр улирлын хичээлээ онлайнаар үзэж дуусгана. Ерөнхий боловсролын сургуулийн сурагчдын амралт төлөвлөгдсөний дагуу 12 дугаар сарын 18-наас эхлээд хоёрдугаар сарын 1-ээр дуусахаар боллоо” гэсэн юм.

Харин их дээд сургуулийн цахим хичээл нэгдүгээр сарын 5 хүртэл үргэлжлээд амарна. Хоёрдугаар сарын 15-наас хичээл нь үргэлжлэн орох аж. 

Их дээд сургууль болон тусгай сургуулийн дотуур байранд байрлаж буй хүүхдүүдийг Засгийн газраас хоол хүнсээр хангаж байгаа. Тэднийг  удахгүй нутаг буцаах ажлыг хийхээр ажиллаж байгааг хэллээ. Дотуур байрны хүүхдүүдийн хоол хүнсийг сургууль, цэцэрлэгийн үдийн цайны мөнгөнөөс хэмнэлт гаргаж зохицуулж байгаа билээ.


Сэтгэгдэл

Анхааруулга:


Монгол Улсад коронавирус COVID-19 бүртгэгдсэнтэй холбогдуулан Монгол Улсын Засгийн газрын 2020 оны 03 дугаар сарын 10-ны өдрийн хуралдаанаас өгсөн чиглэлийг үндэслэн тус сайтын сэтгэгдэл бичих талбарыг түр хааж байгааг үүгээр мэдэгдэж байна. etimes.mn сайтын редакц