Хүнсний түгээлт хийж буй ААН-үүдэд хуурамч дуудлага ирүүлжээ

2020-11-23 16:11180

Орхон аймгийн хэмжээнд хөл хорио тогтоосонтой холбоотойгоор хүнсний хомсдолд орохгүй. Шаардлагатай гол нэрийн бүтээгдэхүүний нөөц хангалттай байгааг Онцгой комисс мэдээлсээр байна. /2020:11:23/ өдрийн байдлаар

  • гурил- 46 хоног
  • төрөл бүрийн будаа- 30 хоног
  • төмс -345 хоног
  • ургамалын тос- 15 хоног
  • хүнсний ногоо- 105 хоног
  • элсэн чихэр- 15 хоног
  • давс- 50 хоног
  • гурилан бүтээгдэхүүн- 26 хоног тус тус нөөцтэй байна. дотоод хүнс үйлдвэрлэгч компаниудын үйлдвэрлэл хэвийн явагдаж байна. 

Хүнсний түгээлт хийж буй ААН-үүд хүнсний аюулгүй байдлаа хянаж,  шаардлагатай

Хүнс, хөдөө аж ахуйн газарт тогтмол мэдээ, тайлангаа өгдөг, МХГ-ын санд бүртгэлтэй, татвар төлөгч  нийт 60 гаруй ААН, хүнсний дэлгүүр ард иргэдэд хүнсний түгээлт хийж байна. Түгээлтээр үйлчилж буй ажилчид корона вирусний шинжилгээнд бүрэн хамрагдсан. 

     Өчигдрийн байдлаар Номин агуулахад нийт 34 хүнсний захиалга, дуудлага ирсэн. Хүргэлт хийх явцад дийлэх нь хуурамч дуудлага байсан байна.             Тодруулбал  дуудлага, захиалга өгсөн иргэний хаяг, утасны дугаар буруу.  "Манайх захиалга өгөөгүй, авахгүй" гэх мэт зөрчил илэрчээ. Иймд  иргэдийг аль болох түгээлтийн ХХК-иудын үйл ажиллагаанд хүндрэл учруулахгүй байх, олон нийтэд үйлчилж буй ААН-үүд хүнсний бүтээгдэхүүний хадгалалтын горим, хугацаа зэрэг хүнсний аюулгүй байдлаа хангаж, хянах, нөөцөө тогтмол хянах шаардлагатайг сануулъя. 

Дуудлага, захиалга өгсөн иргэдийн мэдээлэл хянагдаж буй.

      Иргэн та Орхон аймгийн http://erdenet.mn/сайтад хандаж, хүнсний захиалга хийх боломжтой юм.  Ингэснээр аймгийн хэмжээний хүнсний нөөц хангамжийг хянахад  та хувь нэмэр оруулж байна гэж үзэж болно. 

 

 


Сэтгэгдэл

Анхааруулга:


Монгол Улсад коронавирус COVID-19 бүртгэгдсэнтэй холбогдуулан Монгол Улсын Засгийн газрын 2020 оны 03 дугаар сарын 10-ны өдрийн хуралдаанаас өгсөн чиглэлийг үндэслэн тус сайтын сэтгэгдэл бичих талбарыг түр хааж байгааг үүгээр мэдэгдэж байна. etimes.mn сайтын редакц