Эрдэнэт үйлдвэр ТӨҮГ-аас ажилчдаа дархлаажуулах ажлыг тасралтгүй зохион байгуулж байна. Нийт ажилчдын 85% буюу 6147 уурхайчин вакцинд хамрагдсанг Эрдэнэт үйлдвэрийн марктингийн албанаас мэдээлжээ.

Мөн ахмад болон МШӨ-ний улмаас хөдөлмөрийн чадвар алдалтын хувь тогтоолгосон ажилтнуудын ар гэр, үйлдвэрийн газарт ажил, үйлчилгээ үзүүлдэг бусад байгууллагын 460 хүн вакцин хийлгэсэн.

Цаашид гэрээт байгууллагууд, ахмадууд, МШӨ-ийн улмаас хөдөлмөрийн чадвар алдалтын хувь тогтоолгосон иргэд, ажилтнуудын ар гэрийн 3000 гаруй иргэдийг хуваарийн дагуу, шат дараатайгаар вакцинжуулалтад хамруулна. Үйлдвэрийн шуурхай штабын төлөвлөснөөр 5 дугаар сарын 10 гэхэд үйлдвэрээр овоглосон бүх хүмүүс вакцинаа хийлгэж дуусах аж.

эх сурвалж: http://erdenettoday.mn/