Сүүлийн 24 цагийн байдлаар Орхон аймагт Коронавирусний халдвараар халдварласан 13 тохиолдол батлагдлаа. Үүнээс ойрын хавьтлаас 11, шинээр 2 тохиолдол бүртгэгдсэнг ЭМГ-аас мэдээллээ. Ингэснээр манай аймгийн халдварын нийт батлагдсан тохиолдол 178 боллоо. Эрдэнэт хотын хэмжээнд нийт 6 голомт байгаагаас 3 нь идэвхтэй голомт гэдгийг мөн энэ үеэр онцоллоо.

Нийт батлагдсан тохиолдлуудын 30 гаруй хувь нь Боловсролын салбараас илэрсэн багш, ажилчид, сурагчид байна. Иймд эцэг эхчүүд хүүхдүүддээ өөрийгөө хэрхэн хамгаалахыг зааж сургах, гадаа тоглуулахгүй байх, дэмий сэлгүүцэхгүй байх зэрэгт анхаарал хандуулах шаардлагатай.