Монгол хөвгүүд ур чадвараараа тэргүүлж, Дэлхийн аварга боллоо

2020-08-24 15:08219

 

 Олон улсын сагсан бөмбөгийн холбооноос  FIBA5X5 анхдугаар ур чадварын тэмцээнийг зохион байгууллаа. Тэмцээн 8-р сарын 18-наас 23-ныг хүртэл цахим хэлбэрээр явагдлаа. Хамгийн ур чадвартай тамирчдыг шалгаруулах  уг тэмцээнд  монголын эрэгтэй баг тамирчид амжилттай оролцож, дэлхийн аварга боллоо. 

"FIBA U17 Skills Challenge 2020" тэмцээнд монгол хөвгүүд 111, 109, 99 оноо авч гурван рекордын эзэн болсон байна. Анх удаагаа цахим хэлбэрээр зохиогдож буй ур чадварын тэмцээнд тамирчид шулуун дамжуулалт, дундын зайн шидэлт,   конус тойрох, гурван онооны шидэлтээр  өрсөлджээ.

Тэмцээний шилдэг тамирчнаар  Г.Болор-Эрдэнэ тодорсон байна. Ур чадвараа дэлхийд гаргасан Монгол улсын U17 насны шигшээ багийн тамирчиддаа халуун баяр хүргэе.

 

Сэтгэгдэл

Анхааруулга:


Монгол Улсад коронавирус COVID-19 бүртгэгдсэнтэй холбогдуулан Монгол Улсын Засгийн газрын 2020 оны 03 дугаар сарын 10-ны өдрийн хуралдаанаас өгсөн чиглэлийг үндэслэн тус сайтын сэтгэгдэл бичих талбарыг түр хааж байгааг үүгээр мэдэгдэж байна. etimes.mn сайтын редакц