Монголын уул, уурхайн салбарын эмэгтэйчүүд “Эмэгтэйчүүд хариуцлагатай уул уурхайг манлайлах нь” уриан дор цахимаар чууллаа. Чуулганаар жендерийн болон хариуцлагатай уул уурхайн ойлголт, мэдлэг өгөх, идэвхжүүлэх, урам зориг өгөх, чиглүүлэх зорилго дэвшүүлжээ.

Чуулганд Уул уурхай, хүнд үйлдвэрийн сайд Г.Ёндон, MERIT төслийн захирал Женнифер Адамс нар мэндчилгээ дэвшүүлж, төлөөлөгч бүсгүйчүүдэд баяр хүргэсэн.

Чуулган “УИХ дахь хариуцлагатай уул уурхайн лобби бүлгийн туршлага, ололт, сургамж” сэдвээр УИХ-ын гишүүн асан, доктор А.Ундраа, “Өөрчлөгдөж буй ертөнцөд тэгш байдлыг тогтоох нь”,  Уул уурхай, хүнд үйлдвэрийн яамны Хүнд үйлдвэрийн бодлогын газрын ахлах шинжээч Т.Чимэгсанаа,  “Эрдэнэт үйлдвэрийн сайн туршлага” сэдвээр  “Эрдэнэт үйлдвэр” ТӨҮГ-ын Ерөнхий захирлын Санхүү, эдийн засаг хариуцсан орлогч Д.Үүрийнтуяа нарын есөн илтгэгчийн илтгэлийг хэлэлцлээ.