Халдвар авсан хакүхо М.Даваажаргал эдгэрч, бэлтгэлээ эхлүүлжээ

2021-02-22 15:0241

Мэргэжлийн сүмогийн өнгөрөгч нэгдүгээр сарын хацү башёг 65 бөх covid-19-ийн халдвар авсны улмаас өнжсөн билээ. Тэгвэл өнгөрөгч Баасан гаригт халдвар авсан бөхчүүдийг дахин шинжилгээнд хамруулахад сөрөг гарсан ба бүрэн эдгэрсэн нь батлагджээ. Ийнхүү тэд ирэх харү башёд эхнээсээ зодоглоход бэлэн болжээ.

Дөрвөн дэвжээний 65 бөх халдвар авсны дотор ёкозүна Хакүхо М.Даваажаргал багтаж байсан. Өдгөө тэрбээр эдгэрч, бэлтгэлээ хэвийн үргэлжлүүлж байгаа гэнэ. Мөн Арашио дэвжээний дээд зиндааны бөх Вакатакакагэ эдгэрсэн бөгөөд хэвлэлд өгсөн ярилцлагадаа “Би эдгэрсэн. Бэлтгэлээ сайн хийж байгаа. Ирэх башёд сайн барилдах болно. Дэвжээн дээр юу хийж чаддагаа харуулахыг хүсч байна” хэмээжээ. Түүнээс гадна Томозүна дэвжээний Бразиль бөх Кайсэй эдгэрснийхээ дараа “Юуны түрүүнд хурдхан шиг формдоо ормоор байна” гэв.

Арашио дэвжээний ояката тэргүүтэй 12 бөх covid-19-ийн халдвар авсан билээ.


Сэтгэгдэл

Анхааруулга:


Монгол Улсад коронавирус COVID-19 бүртгэгдсэнтэй холбогдуулан Монгол Улсын Засгийн газрын 2020 оны 03 дугаар сарын 10-ны өдрийн хуралдаанаас өгсөн чиглэлийг үндэслэн тус сайтын сэтгэгдэл бичих талбарыг түр хааж байгааг үүгээр мэдэгдэж байна. etimes.mn сайтын редакц